Për Cristiano Ronaldon dhe Manchester United ky që po përfundon ka qenë një sezon pa kënaqësi. Asnjë trofe i fituar dhe siguria për të mos luajtur në Champions League sezonin e ardhshëm, një kompeticion ku Cristiano Ronaldo nuk ka munguar asnjëherë në 19 vitet e fundit.
“Djajtë e Kuq”, në fakt, aktualisht janë në vendin e gjashtë të Premier League, teksa kualifikimi për në Ligën e Evropës aktualisht nuk është i mbyllur, por kampioni portugez mund ta gjejë veten duke luajtur edhe në Ligën e Konferencave.
Rezultati i vetë luzitanit nuk është në përputhje me sezonet e kaluara, edhe nëse deri më tani CR7 ka shënuar 24 gola dhe ka dhënë 3 asiste në 39 ndeshje në total. Është folur për lamtumirën e tij të mundshme në fund të sezonit, por sipas asaj që ka kuptuar “The Sun”, kampioni luzitanian mund të respektojë skadimin natyral të kontratës (qershor 2023) dhe të qëndrojë në “Old Trafford”.
Manchester United po përgatitet të fillojë një cikël të ri me Ten Hag dhe Cristiano Ronaldo është i emocionuar të punojë me trajnerin holandez. Në lidhje me këtë ai tha: “Jemi të lumtur dhe të emocionuar, jo vetëm si lojtarë, por edhe si tifozë. I uroj atij më të mirën dhe besojmë se sezonin e ardhshëm do të fitojmë trofe.
Ajo që di për të është se ka bërë një punë fantastike tek Ajax. Është një trajner me përvojë, por duhet t’i japim kohën e duhur. Gjërat duhet të ndryshojnë ashtu siç dëshiron ai. Shpresoj se do të jemi të suksesshëm, sigurisht. Nëse ai është i suksesshëm, i gjithë Manchesteri do të jetë gjithashtu i suksesshëm. I uroj atij më të mirat!”
Prandaj, CR7, nëse nuk veprohet ndryshe nga udhëzuesi i ri teknik, do të ishte gati të luante rolin e udhëheqësit të kursit të ri. Sipas tabloidit anglez, ka edhe arsye familjare që do ta shtynin portugezin 37-vjeçar të qëndronte në Angli.
Cristiano Jr., në fakt ndjek akademinë e “Djajve të Kuq”, ndërsa Georgina, pas lindjes, do të gjente stabilitet duke qëndruar edhe një vit në Mbretërinë e Bashkuar. Nëse një e dhënë është vetëm një e dhënë, dy janë një rastësi, por tri të tilla janë provë.
