Disa punonjëse të një ndërmarrjeje u dërguan me urgjencë në spitalin e Durrësit me simptoma helmimi.
Sipas burimeve spitalore, punonjëset janë paraqitur me gjendje të fikëti, këputje e ndjesi të vjellash. Sipas mjekëve të shërbimit të urgjencës, gjendja e tyre është nën kontroll, ndërkohë që do të jenë analizat toksikologjike që do të përcaktojnë shkakun e helmimit.
Gratë janë punonjëse të një ndërmarrjeje që prodhon kabllo për makinat në superstradën Durrës – Tiranë ku dhe dyshohet se janë helmuar nga avujt e çliruar nga dezinfektimi i mjediseve të fabrikës për brejtës.
Punonjëset kanë pasur simptoma që në mëngjes dhe mjeku i fabrikës u ka kërkuar që të shkojnë në banesë, por gjendja e disave prej tyre është rënduar ndaj kanë kërkuar ndihmë mjekësore.
