Havier Dobi përforcon akuzat e ngritura ndaj ish-zyrtares/ ‘Shuma prej 500 mijë eurove i përket Klosit’

0
Gjigandi

Marrja përsëri në pyetje e Havier Dobit, djalit të pastrueses Rozeta Dobi, ka përforcuar akuzat e ngritura nga prokuroria ndaj Alda Klosit, ish zyrtares së Ministrisë së Financave e arrestuar më 3 shkurt. Në dëshminë e tij i riu ka pohuar se shuma prej 500 mijë eurove i përket Klosit.

Burime bëjnë me dije se Havier Dobi, i ka qëndruar thënieve të nënës së tij në deklarimet e 3 shkurt, kur prokuroria lëshoi edhe urdhërin e arrestit ndaj ish zyrtarës për të cilën janë ngritur tre akuza. Duket se edhe djali i sanitares ka bashkëpunuar me hetuesit duke treguar fakte e rrethana të reja për hetimin e kësaj çështjeje. Më tej ai ka shkuar se mamaja e tij i ka marrë me urdhër të punëdhënëse së saj paratë, e ndërsa ai ka qëndruar poshtë pallatit ku banonte Klosi, ku e priste me makinë të ëmën.

Më tre shkurt mamaja e tij, Rozeta Dobi për 6 orë u pyet në Drejtorinë e Policisë Tiranë. Gjatë marrjes së pyetje sanitarja pranoi përpara hetuesve se ka marrë paratë dhe ka treguar se veprimin e ka kryer vetëm, duke hequr çdo përgjegjësi të të birit.

Nga ana tjetër prokuroria e Tiranës ka konstatuar mospërputhje të deklarimeve të Alda Klosit me vëllain e saj Leonard Ciko. Ish-zyrtarja është shprehur se shuma rreth 120 mijë euro është e xhaxhait të saj që ndërroi jetë disa javë më parë në Amerikë, ndërsa vëllai i Klosit, në deklarimet e tij ka thënë se kjo shumë i ishte marrë borxh një miku të tyre dhe për këte kishin një deklaratë të nënshkruar dore.

Prokuroria thotë se Rozeta Dobi ka pranuar se të gjitha paratë e sekuestruara, përfshirë dhe 404 mijë eurot e gjetura në aspirator janë marrë nga banesa e Alda Klosit. Ndaj saj janë ngritur akuzat e pastrimit të parave, fshehjes së pasurisë dhe deklarimit të rremë. Ndërsa këtë të hënë ish zyrtarja e lartë, Alda Klosi do dalë përpara Gjyktes së Apelit. Ajo ka kërkuar në apel ndryshim të masës së sigurisë atë të arrestit me burg, në një masë më të butë.

RonaTyra

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu