SHQIPËRI- Alfred Prodani, ish-zyrtari shqiptar u arrestua për shkak të grabitjes së vilës së sulmuesit të Real Madrid Karim Benzema. Një situatë e tillë ka marrë vëmendje jo vetëm në Shqipëri, por edhe në të gjitha mediat e njohura sportive në Europë.
Gazeta spanjolle, “Marca”, shkruan: “I arrestuari për grabitjen e shtëpisë së Benzemasë. është një zyrtar i lartë nga një qeveri e huaj”.
Ndërkohë, që prestigjiozja tjetër spanjolle, “AS” shkruan në titullin e saj: “Një zyrtar i lartë nga Qeveria Shqiptare është arrestuar për grabitjen e shtëpisë së Benzemasë gjatë Klasikes”.
Në Itali, “Gazzetta” për këtë temë shkruan: “Grabiti shtëpinë e Benzemasë, arrestohet zyrtari shqiptar. Ishte ‘truri’ i më shumë se 40 vjedhjeve”.
“Tuttomercatoweb” shkruan: “Grabitja e shtëpisë së Benzemasë në 2019, zyrtari i Qeverisë Shqiptare arrestohet”.
Ndërsa në Portugali, gazeta “Record” e hap me: “Zyrtari i Qeverisë Shqiptare arrestohet në lidhje me grabitjen e shtëpisë së Benzemasë”.
