Enzo Zidane dhe e fejuara e tij Karen Gonçalves u bënë prindër të vajzës së tyre të parë, të cilën e kanë quajtur Sia. Djali i madh i Zinedine Zidane, i cili është 27 vjeç dhe këtë sezon ka luajtur për skuadrën franceze Rodez Aveyron Football në Ligue 2, nuk ka ngurruar të ndajë imazhe të Sia-s së vogël në rrjetet e tij sociale.
“Mirë se erdhe Sia jonë, princesha jonë”, – ka shkruar Enzo Zidane në Instagram. Së fundi, një foto e Zinedine Zidane me mbesën e tij të parë, Sia, në krahë është bërë tejet “virale” në rrjetete sociale.
Në postimin e e ndarë me më shumë se 1.3 milionë ndjekësit e tij, Enzo Zidane ka publikuar imazhin emocionues të prindërve, ose gjyshërve të vajzës, Zinedine dhe Véronique, me Sia-n në krahë.
“Urime gjyshërve”, – ka komentuar Luis Figo në Instagram, duke uruar Zinedine Zidane, i cili është 49 vjeç (mbush 50 vjeç më 23 qershor). Pra, ish-futbollisti dhe trajneri i Real Madridit është bërë gjysh mjaft i ri, duke vendosur një “rekord” edhe në këtë drejtim, si dikur në fushat e blerta.
Edhe futbollisti i njohur francez Franck Ribery e ka uruar Enzo për të bërit baba. Pas lindjes së Sia, çifti do të mund të rifillojë planet e tyre fillestare për të kaluar në altar. Dasma u desh të shtyhej për shkak të kufizimeve shëndetësore të pandemisë dhe më vonë për shkak të shtatzënisë. Çifti ka katër vite që ndajnë jetën bashkë.
