Georgina Rodriguez ka treguar dashurinë e saj për partnerin, Cristiano Ronaldo teksa postoi në Instagram për herë të parë që kur humbën djalin e tyre gjatë lindjes.
Modelja, 28 vjeçe, postoi një fotografi të futbollist 37 vjeç, i cili shihet teksa drejton duart drejt qiellit në shenjë nderimi për binjakun që ndërroi jetë.
Gjesti i tij emocional erdhi kur sulmuesi i Manchester United shënoi kundër Arsenalit gjatë ndeshjes së të shtunës, pasi u kthye në stërvitje pak pasi kishte munguar në ndeshjen e së martës kundër Liverpool.
Georgina ndau një foto të momentit prekës dhe thjesht e shoqëroj postimin me një zemër të bardhë në mbishkrim, shkruan
DailyMail.
Javën e kaluar, Cristiano konfirmoi në rrjetet sociale se ai dhe Georgina, i njohur gjithashtu si Gio, kishin humbur djalin e tyre të porsalindur gjatë lindjes, ndërsa vajza binjake shpëtoi.
Ditë më vonë, ai postoi një përditësim dhe konfirmoi se Georgina u kthye në shtëpi me vajzën e tyre të porsalindur pas vdekjes së vëllait binjak të fëmijës.
Duke postuar një foto për 430 milionë ndjekësit e tij, Ronaldo mbante në krah vajzën e tij ndërsa shoqërohej nga partnerja spanjolle dhe katër fëmijët e tyre – tre prej të cilëve futbollisti i ka me nëna surrogate.
Reprezentuesi portugeze njoftoi në tetor 2021 se priste binjakë me Georgina, të cilën e takoi teksa luante për gjigantët spanjollë Real Madrid.
Megjithatë, një deklaratë e lëshuar të hënën konfirmoi se një nga binjakët e çiftit kishte vdekur, me Ronaldon që e përshkruan humbjen si “dhimbjen më të madhe”.
Georgina ka vajzën Alana me Cristiano. Ylli i Manchester United ka gjithashtu edhe djalin Cristiano Jr dhe binjakët Eva dhe Mateo. /
abc24.al
/
