Një zjarr ka përfshirë zonën pyjore të malit të Cakranit në Fier. Gazetari Ervis Kuçi raportoi për “BalkanWeb” se zjarri ka rënë në vendin e quajtur Gurëzezë. Sipas informacioneve paraprake deri në këto momente janë djegur rreth 3-4 ha pyje nën kurorë. Në terren ndodhen 20 forca zjarrfikëse të Fierit dhe Patosit që po përpiqen të shuajnë flakët.Fatmirësisht në këtë zonë nuk ka banesa pranë, çka mund të rrezikonte jetën e banorëve por dëmi në natyrë është kolosal.
