Zbardhet dëshmia e të burgosurit Neim Behari në polici, që vuri eksploziv në makinën e një gjyqtari. “Lënda eksplozive është porositur nga unë. Gjyqtari Markelian Kuqo ka shkelur të drejtat e mia. Kam shumë çështje me gjyqtarin Markelian Kuqo. Ai është një mesazh dhe e kupton shumë mirë gjyqtari. paralajmërova fillimisht por nuk e kam kërcënuar. I kam kërkuar transferim dhe as e ka marrë parasysh. Nuk është ai askush të tallet me mua. Vendimet e tij të gabuara do i kushtojnë me jetën e tij. Këtë ia kam thënë shume here. Dhe jam i bindur që s’do i gjendet as kocka e fundit. Me njohin të gjithë se kush jam dhe ku kam punuar meë herët. I dënuar për vrasje jam dhe për këtë po vuaj dënimin. Jam dakort. Por të tallet një palo gjyqtar me të drejtat e mia nuk ia fal sa të kem jetë. Zbardhni të vërtetat dhe çdo gjë që ka lidhje me atë person. Eshtë shkelës i ligjit ai dhe jo unë”, mësohet të ketë thënë Behari.
