Ekonomia shqiptare rritet me 8.54 për qind në 2021

0
Ekonomia shqiptare rritet me 8.54 për qind në 2021
Gjigandi

Ekonomia shqiptare ka shënuar një rritje të fortë në vitin 2021, pas tkurrjes që shënoi në vitin 2020, si rrjedhojë e pasojave të pandemisë së Covid-19.

Sipas raportit të publikuar sot nga instituti i statistikave INSTAT, prodhimi i brendshëm bruto (PBB) në vend u rrit me 8.54 për qind në 2021, duke shënuar nivelin më i lartë që nga viti 2001.

Rritja e lartë e ekonomisë lidhet me bazën e ulët të vitit 2020, kur ekonomia u tkurr me 3.96 për qind, e ndikuar kryesisht nga ecuria e dobët në sektorët e industrisë dhe transporti, akomodimi e shërbimi ushqimor, të cilat panë dhe rënien të fortë si rrjedhojë e kufizimeve lokale e ndërkombëtare për të frenuar pandemisë.

Sipas raportit, të gjithë sektorët kanë shënuar rritje të fortë dy shifrore në vitin 2021.

Me vlerësimin e tremujorit të katërt, INSTAT jep një vlerësim paraprak të PBB-së për vitin 2021, i cili mbështetet në vlerësimet tremujore.

RonaTyra

Sipas INSTAT, rritja në 2021 u ndikua nga të gjithë sektorët, por më e fortë ishte në tregti, transport, akomodim dhe shërbim ushqimor dhe industria përpunuese, nxjerrëse dhe energjia, të cilat ranë më shumë në vitin 2020.

Zgjerimi i aktivitetit të sektorit të ndërtimit ka vijuar, ndërsa sektori me ecuri më të dobët ishte bujqësia.

Ndërkohë, PBB-ka në tremujorin e katërt të vitit 2021 vlerësohet me rritje prej 5.52 për qind, në krahasim me të njëjtën periudhë të vitit të kaluar.

/abc24.al/

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu