Eduart Grishaj dhe Arbana Osmani do të sjellin në jetë fëmijën e tyre të parë së bashku së shpejti. Ndërkohë që Arbana tregon shumë pak për periudhën e pritjes së ëmbël, Eduarti ka dhënë si rrallëherë një intervistë në “Pushime On Top”, ku mes të tjerave ka folur edhe për jetën private dhe për ndjesitë si baba i ri.
Eduarti ka rrëfyer se ai dhe Arbana e kanë zgjedhur destinacionin e dasmës, edhe pse ende nuk kanë vendosur një datë.
“Dasmën nuk e di kur do ta bëjmë, por do ta bëjmë në Bogë. Arbana është pro gjërave të bukura dhe Boga futet te gjërat e bukura”, -është shprehur ai.
Ndërsa për sa i përket ndjesisë si baba i ardhshëm, regjisori ka thënë se në fillim ishte shumë emocionuese, më pas me kalimin e kohës çdo gjë u kthye në normalitet.
Eduarti ka zbuluar edhe një detaj për emrin, duke pranuar se do të jetë një emër tipik shqiptar.
