E rëndë, gjendet e djegur në banesë gruaja e ish-boksierit shqiptar.
Një ngjarje tragjike ka ndodhur sot në Mamurras, ku një 69-vjeçare është gjetur e djegur në banesën e saj, ku jetonte e vetme.
“BalkanWeb” raporton se viktima, Gjelina Hoti, është bashkëshortja e ish-boksierit Pal Hoti dhe dyshohet se ka rënë në kontakt me energjisë dhe më pas është djegur.
Kanë qenë fqinjët e saj, ata që kanë lajmëruar policinë, pasi prej disa ditësh nuk e kishin parë 69-vjeçaren jashtë banesës. Pasi kanë shpërthyer derën zjarrfikësit, e moshuara është gjetur e shkrumbuar brenda.
