Caster Semenya zbuloi se iu tha zyrtarëve të garës se do të pranonte një ekzaminim të trupit të saj në mënyrë që të provonte se ishte grua. Kampionia e 800 metrave akuzoi gjithashtu IAAF se e detyroi të merrte drogë, çka e torturonte dhe e bënte të frikësohej se kishte atak në zemër. Kështu ka zbuluar një shkrim i gazetës angleze “Telegraph”, e cila ka dhënë një intervistë për “Hbo Real Sports”, transmetues televiziv amerikan.
Semenya tha se në Kampionatin Botëror “Berlin 2009”, ku fitoi duke dominuar garën e 800 metrave, disa zyrtarë “me siguri menduan se kisha penis (nuk isha femër). Unë iu thashë: Nuk më intereson, nëse dëshironi mund t’ua tregoj vaginën time. Barnat që duhej të merrja për të ulur nivelet e testosteronit më sëmurën, shtova në peshë, më filluan ataket e panikut.
Ishte si të lëndoje veten me thikë çdo ditë. Sidoqoftë, nuk kisha alternativë, nëse doja të vrapoja. Isha 18 vjeçe, doja të shkoja në Lojërat Olimpike”. Jonathan Taylor, një avokat i IAAF, foli për HBO duke i mohuar akuzat. “Jonathan duhet ta presë gjuhën dhe ta hedhë”, – ishte përgjigja e Semenyas.
Historia – Një ditë pas akuzave të atletes afrikano-jugore Caster Semenya se është përdorur si “kavie laboratori” nga Federata Ndërkombëtare e Atletikës (IAAF) (më kanë përdorur si kavie, por nuk do të lejoj më që të përdorin trupin tim. U jam nënshtruar testeve të seksit dhe kurave hormonale) mbërriti replika e kësaj të fundit për 2 herë kampionen olimpike në garën e 800 metrave.
“Biologjikisht është një burrë”, – thuhet në dokumentat që IAAF-i ka dorëzuar në CAS (Gjykatës së Arbitrazhit Sportiv), ku fillimisht fitoi betejën ligjore ndaj atletes. Ndaj dhe IAAF kërkonte që atletja t’iu nënshtrohet kurave mjekësore për të ulur nivelin e testosteronit në trup, në mënyrë që të garojë si e barabartë me atletet e tjera.
Pas vendimit të CAS erdhi edhe ai i Gjykatës Federale Supreme në Lozanë, që i dha të drejtë atletes, duke pezulluar përkohësisht vendimin e IAAF që detyronte atleten t’iu nënshtrohej kurave mjekësore.
