Artistja shqiptare me famë botërore, Dua Lipa po vazhdon të shënoi suksese të njëpasnjëshme në arenën e muzikës ndërkombëtare.
Në mesin e shumë hiteve që kanë shënuar karrierën e saj të bujshme artistike është edhe kënga “Levitating”, që është pjesë e albumit të saj të fundit “Future Nostalgia”.
26-vjeçarja së fundi ka arritur suksesin e radhës me “Levitating”, e cila është bërë kënga e një artiste femër që ka qëndruar më së shumti në historinë e top-listës së “Billboard Hot 100”.
Foto: Dua Lipa/Instagram
Projekti muzikor i Duas ka qëndruar gjithsej 70-të javë, duke lënë pas hitin e vitit 1997-1998 të këngëtares amerikane LeAnn Rimes “How Do I Live” që qëndroi për 69 javë në top-listë.
“Levitating” është gjithashtu kënga e pestë që ka qëndruar më së shumti në top-listë në gjithë historinë e kualifikimeve.
Këtij lajmi i është gëzuar interpretuesja duke e shpërndarë njoftimin edhe në llogarinë e saj në Instagram, aty ku numëron mbi 80 milionë ndjekës.
Ndërkohë, Dua aktualisht ndodhet në turneun “Future Nostalgia”, koncertet e të cilit fillimisht kanë nisur në Amerikë, për të vazhduar më pas edhe në pjesët e tjera të botës
. /abc24.al/
