Kim Kardashian dhe i dashuri i saj Pete Davidson shfrytëzuan mundësinë për t’u shoqëruar me miliarderin Elon Musk në “Met Gala 2022” të hënën (2 maj).
Ylli 41-vjeçar i Kardashians dhe 28-vjeçari i ‘SNL’ u panë duke biseduar me themeluesin e Tesla-s dhe të dashurin e nënës së saj Kris Jenner, Corey Gamble, pasi kishin ecur në tapetin e kuq të eventit në Manhattan.
Edhe pse Kim dukej se kishte veshur të njëjtin fustan të veshur gati 60 vjet më parë nga Marilyn Monroe, ajo u ndërruar për një kopje të veshjes ikonike sapo hyri brenda ngjarjes në mënyrë që të ruhej fustani si thesar i përjetshëm, shkruan
DailyMail.
Fustani vezullues i Kim-it me rruaza është dizajnuar nga Jean Louis dhe është ekspozuar në muzeun “Ripley’s Believe It or Not” në Orlando të Floridas.
Por veshja kopje e yllit televiziv e veshur brenda ngjarjes ishte një kopje e përsosur e origjinalit dhe nuk e tradhtoi origjinën e tij më moderne.
Pjesa brenda në “Met Gala” shfaqi një pamje mahnitëse të pasurisë, ndërsa Kim – e cila së fundmi u shpall miliarder – po bisedonte me Elon Musk, i cili aktualisht është njeriu më i pasur në botë.
Ai aktualisht ka një vlerë neto prej 253.6 miliardë dollarësh, sipas Forbes, ndërsa gazeta përcaktoi se Kim ka një vlerë ende mbresëlënëse 1.8 miliardë dollarë.
Kim dhe Elon dukej se po bisedonin pranë tavolinës ku motra e saj më e vogël Kyle Jenner po fliste me nënën e saj Kris Jenner.
Pranë Kim ishte edhe partneri i saj, Pete Davidson i cili parakaloj bashkë me të në tapetin e kuq, pasi çifti kanë bërë paraqitje të shumta publike së fundmi.
Ndërsa, krahas Kim edhe motrat e tjera të saj, Kylie, Khloe dhe Kourtney morën vëmendje në eventin e modës.
Për Khloe dhe Kourtney kjo ishte hera e parë në “Met Gala”.
/abc24.al/
