Apple nuk do të pensionojë Mac Mini

Ka kaluar një kohë e gjatë qëkur Apple ka folur për pajisjen Mac Mini. Kompania ishte e heshtur për një kohë të gjatë për këtë pajisje dhe shumica menduan se Apple do ta pensionojë, por duket se nuk do të jetë kështu.

Nënpresidenti i marketingut të Apple, Fil Shiler ka konfirmuar se Mac Mini mbetet prodhim i rëndësishëm për kompaninë, gjë që tregon qartë se nuk do të ndërpritet. Ai një qëndrim të tillë e ka shprehur në një konferencë për media në të cilën ka zbuluar planet e kompanisë për pajisjet Mac Pro dhe iMac.

Shiler ka theksuar se Mac Mini do të mbetet prodhim i rëndësishëm në linjën e kompanisë edhe pse deri më sot nuk ka risi, të cilat mund të ndahen me publikun.

Ndryshe, Apple freskimin e fundit të Mac Mini e ka bërë në vitin 2014, dhe ai që nga ajo kohë ishte bërë pajisja më e lirë Mac.

Komentet e Shiler tregojnë se kompania do të freskojë linjën e pajisjes Mac Mini në periudhën e ardhshme, por për momentin nuk ka informata se kur do të ndodhë kjo.

Kontrolloni gjithashtu

Sony me tri modele të reja të telefonave në IFA

Sipas një raporti të ri, Sony do të zbulojë tre modele të reja në konferencën …

Leave a Reply

Your email address will not be published. Required fields are marked *