Shkëndijat fluturuan mes Haaland dhe Alexander Milosevic në ndeshjen e zhvilluar ndërmjet Norvegjisë dhe Suedisë. Të paktën kjo është ajo që del nga fjalët e Erling, autorit të një dopiete, pas ndeshjes. Sulmuesi nuk e “kafshoi gjuhën”, por hodhi një akuzë të ashpër ndaj mbrojtësit suedez.
“Së pari më quajti kurvë, mund t’ju them me siguri që nuk jam, – shpjegoi Haaland në mikrofonat e kanalit norvegjez TV 2, pas ndeshjes. – Së dyti, ai tha se do të më thyente këmbët, një minutë e gjysmë më vonë shënova gol. Kjo ndikoi për mirë”, – vazhdon sulmuesi.
Norvegjezi në fakt e ka festuar golin e dytë në “Friends Arena” përballë Alexander Milosevic dhe më pas ka heshtur tifozët suedezë. Versioni i ngjarjeve të Milosevic nuk ka të bëjë fare me fjalët e Haaland.
Mbrojtësi garanton se nuk ka thënë asgjë nga ajo që sulmuesi e akuzon: “Nuk e thashë këtë. Është shumë e vrazhdë të thuash atë që pretendon ai, sepse unë nuk flas gjuhën norvegjeze dhe ai nuk flet suedisht, kështu që nuk e di se si kemi komunikuar. Jo, unë nuk flas anglisht në fushë, kështu që është e çuditshme që ai thotë gjëra që nuk i kam thënë”.
Përveç kësaj, ai siguroi se nuk ka pasur tension në fushë mes tyre gjatë ndeshjes: “Jo, jo nuk ka pasur asgjë nëë të vërtetë, për të qenë plotësisht i sinqertë. Unë kam luajtur lojëra ku kam qenë më i zemëruar”.
Nga ana tjetër, Haaland mbetet i pandalshëm me Norvegjinë. Sulmuesi, autor i dy golave me të cilët mposhtën Suedinë, ka shënuar edhe një gol ditë më parë ndaj Serbisë. Sulmuesi ka lënë gjurmë me 18 gola në 19 ndeshje ndërkombëtare.
