Matt Damon thotë se vajza e tij 21 vjeçare është rikuperuar nga koronavirusi.
Matt Damon ka zbuluar vajza e tij e madhe Alexia, 21 vjeçe, e kishte kontraktuar koronavirusin derisa banonte në Nju Jork, shkruan DailyMail.
Ylli i filmit “Bourne Identity”, 49 vjeç, foli me Graham O’Toole dhe Nathan O’Reilly në emisionin e radios “Spin 103.8” në Irlandë, ku pranoi se përballja me COVID-19 “është e frikshme”.
Bashkë me familjen e tij, Matt është i izoluar në periferi të Dublinit, pasi ishte aty për xhirime kur u anuluan fluturimet.
Muajin e kaluar u bë e ditur se Matt, gruaja e tij Luciana, dhe vajzat e tyre Isabella, 13, Gia, 11, dhe Stella, nëntë, kanë jetuar në rezidencën 8 milionëshe (8,6 milion dollarë ) në zonën luksoze.
Në bisedën e tij në radio, Matt tha: “Vajza jonë e madhe është në kolegj, ajo është në Nju Jok. Ajo kishte COVID-19 me të cilin u diagnostikua herët, së bashku me shoqet e saj të dhomës dhe e kaloi mirë. Por të gjithë janë në rregull. Është e frkishme për atë brez kjo periudhë”.
Ai shtoi se tani mendon që të gjithë ne e kemi marrë mesazhin e duhur, kur po qëndrojmë të izoluar dhe po praktikojmë distancimin shoqërorë e larjen e shpeshtë të duarve, megjithatë thekson se kjo gjë është e frikshme.
Meqenëse ka qëndruar në Irlandë gjatë izolimit, aktori tha se është vend i jashtëzakonshëm.
“Një nga vendet më të bukura që kam qenë ndonjëherë. Ndihem sikur të jem në një përrallë këtu”, përfundoi ai.
