Situata në futbollin italian nuk është aspak e qetë, edhe pas disa muajve luftë me koronavirusin.
Në kohën kur po planifikohet rikthimi në seancat stërvitore, rezultatet e testeve të lojtarëve nuk po japin shenja pozitive.
Pas skuadrës së Fiorentinës e Torinos që kanë treguar raste pozitive, së fundmi është edhe skuadra e Sampdorias.
Sipas komunikatës zyrtare të lëshuar nga faqja zyrtare e klubit, tre lojtarë të rinj kanë rezultuar pozitiv në testet e koronavirusit, kurse raportohet edhe për një rikthim rasti, transmeton lajmi.net.
Aktualisht pa simptoma, lojtarët do të shkojnë në vet-izolim dhe do të monitorohen sipas protokolit.
