Një operacion anti-drogë është zhvilluar ditën e djeshme në Vlorë, ku uniformat blu në bashkëpunim me Guardia di Finanza sekuestruan 1 ton marijuanë dhe arrestuan 5 persona, dy prej tyre shtetas ukrainas.
Lidhur me këtë mega-operacion ka reaguar edhe Guardia di Finanza duke publikuar pamjet e drogës së sekuestruar dhe bën me dije se nëse do të hidhej në treg do të arrinte vlerën e 10 milionë eurove.
Kujtojmë se në pranga kanë rënë shtetasit Arbër Saraseli, 31 vjeç, Saverjo Imeraj, 22 vjeç dhe Qemal Pekmezi, 19 vjeç si dhe u sekuestruan 3 skafet me të cilat dyshohet se lënda narkotike është transportuar deri në thellësi të detit Jon ku është dorëzuar në anijen velierë në ujerat Santa Maria di Leuca ne Lecce.
